Curso de introdución á lingua e cultura galegas



Informamos da convocatoria de dous cursos de Introdución á lingua e cultura galegas nos concellos de Negreira e A Baña en colaboración coa Secretaría Xeral da Lingua da Xunta de Galicia.

Estes cursos de lingua e cultura galegas de 20 horas de formación son gratuítos, dirixidos a todas as persoas, tanto se teñen coñecementos básicos como se comezan dende cero.

O curso está organizado en cinco unidades temáticas, pensadas para acompañar o proceso de aprendizaxe dun xeito gradual, práctico e conectado coa realidade galega. Cada unidade integra contidos de:

  • Fonética, para familiarizarse cos sons do galego e mellorar a pronuncia.

  • Gramática, centrada nas estruturas básicas e frecuentes da lingua.

  • Léxico útil, cun enfoque comunicativo para situacións cotiás.

  • Cultura, no que nos achegaremos á historia do galego. Tamén coñeceremos algunha das moitas festas gastronómicas galegas e cales son os festivais de música máis destacados. Ademais, poderemos prepararnos para facer o Camiño de Santiago ao tempo que gozamos do clima e dos espazos naturais de Galicia.

Cada unidade inclúe exercicios de autocorrección e actividades de resposta aberta para aprender e practicar a lingua dun xeito entretido e activo.

Pódese acceder ao curso e a todos os materiais descargables na Plataforma de Teleformación.

Manual do Curso de introdución á lingua e á cultura galegas.

Inscrición: do 7 de setembro ao 2 de outubro de 2026, presencialmente das 8:30 ás 14:30 h na Casa da Cultura de Negreira (martes e xoves) ou na Casa do Concello da Baña (luns, mércores e venres), a través do enderezo electrónico snlabananegreira@gmail.com ou por teléfono: 981 88 65 01 / 981 88 58 86.

NEGREIRA

Os mércores e xoves das 16:00 ás 18:00 horas na Casa da Cultura de Negreira, do 14 de outubro ao 12 de novembro de 2026.

A BAÑA

Os luns e venres das 10:00 ás 12:00 horas no edificio de Servizos Sociais, do 19 de outubro ao 20 de novembro de 2026.

Comentarios

Publicar un comentario

Publicacións populares deste blog

O SNL da Baña e Negreira participa na nova xeira dos grupos de conversa Falarmos...nós!

Imaxe
A rede de grupos de conversa Falarmos...nós! inicia unha nova andaina O Servizo de Normalización Lingüística da Baña e Negreira incorpórase á rede de grupos de conversa Falarmos Nós , unha iniciativa impulsada pola Área de Normalización Lingüística da Deputación da Coruña que ten como obxectivo facilitar espazos de encontro e participación para favorecer o uso do galego no día a día. O pasado fin de semana, o local da Asociación Xiradela, en Arteixo, acolleu a xuntanza previa ao inicio da nova xeira 2026/2027. No encontro participaron representantes da Deputación e as persoas dinamizadoras dos grupos que xa formaban parte da rede na xeira anterior, así como dos novos grupos que se incorporarán ao proxecto a partir deste outono. Os grupos de conversa están dirixidos tanto a persoas que saben falar galego pero non o empregan habitualmente nas súas relacións sociais como a aquelas que se atopan nun proceso de adquisición da competencia oral e contan cunha boa capacidade de comprensión e d...
Read more »

Presentamos a programación infantil do SNL

Imaxe
                                   Nas vindeiras semanas desenvolveranse obradoiros e actividades gratuítas para as familias con pequechos e pequechas de 0 a 6 anos co obxectivo de fomentar os espazos de socialización en lingua galega, así como a aprendizaxe arredor de materiais e recursos lúdico-didácticos para a primeira infancia. Para realizar a inscrición en ambos programas é necesario contactar co servizo previamente comunicando o nome e apelidos das persoas asistentes, a idade da(s) crianza(s) así como un enderezo electrónico e un teléfono de contacto, a través do enderezo electrónico snlabananegreira@gmail.com, dos teléfonos 981 88 65 01 / 981 88 58 86 ou presencialmente nas oficinas do SNL das 8:30 ás 14:30 horas os luns, mércores e venres na Casa do Concello da Baña ou os martes e xoves na Casa da Cultura de Negreira. PROGRAMA APEGO Para esas familias que queredes que a lingua galega for...
Read more »

O Servizo de Normalización Lingüística da Baña e Negreira está de volta

Imaxe
 Benvidos e benvidas de novo ao Servizo de Normalización Lingüística, Dende os concellos da Baña e de Negreira prácenos comunicarvos que coa volta do SNL tamén se dá comezo a diferentes programas co obxectivo de fomentar o aumento do uso da lingua galega e da mellora do seu prestixio a nivel social.  Para contactar co servizo pode chamar aos teléfonos 981 88 65 01 / 981 88 58 86, enviar un correo ao enderezo electrónico snlabananegreira@gmail.com ou visitar as nosas oficinas no horario de 8:30 a 14:30 horas, os luns, mércores e venres na Casa do Concello da Baña ou os martes e xoves na Casa da Cultura de Negreira.
Read more »