Falarmos nós! Grupo de conversa en galego


 Presentamos o proxecto Falarmos...Nós

O Servizo de Normalización Lingüística da Baña e Negreira pon en marcha o proxecto promovido pola área de Normalización Lingüística da Deputación da Coruña Falarmos...nós, un grupo de conversa en galego para falar, escoitar, socializar e compartir dende a proximidade e a confianza.

O mércores 30 de setembro de 18:00 a 19:00 horas ponse en marcha Falarmos...nós, un grupo de conversa en galego para persoas que queren usar máis a nosa lingua no seu día a día ou mellorar a súa expresión oral nun ambiente seguro e acolledor. Así pois, unímonos a este proxecto impulsado pola área de Normalización Lingüística da Deputación Provincial da Coruña, que aposta por crear espazos reais de uso da lingua baseados na participación e na conversa.

O grupo contará cun número reducido de participantes, o que facilita a interacción, e cunha ou dúas persoas dinamizadoras que propoñerán temas e coidarán de que todo o mundo teña voz. Non é unha clase nin hai leccións nin deberes: xuntarémonos para falar, rir, dubidar, equivocarnos e avanzar xuntas e xuntos.

Falaremos de diferentes temáticas do noso día a día: cultura, actualidade, experiencias persoais, música, libros, viaxes ou de calquera outro tema que esperte o interese das persoas participantes, sempre desde o respecto e a escoita activa.

Este espazo de socialización está dirixido tanto a persoas que saben falar galego pero non o usan habitualmente como a aquelas que están en proceso de aprendizaxe e queren gañar soltura. O único requisito é entender a nosa lingua e ter ganas de participar e de darlle un pouco máis de espazo ao galego na vida cotiá.

Para participar será necesario inscribirse a partir do luns 7 de setembro ás 09:00 h, ben de maneira presencial na Casa da Cultura de Negreira ou na Casa do Concello da Baña, a través do enderezo electrónico snlabananegreira@gmail.com ou chamando ao 981 88 65 01 ou 981 88 58 86 entre as 08:00 e as 14:00 horas.

Data, horario e lugar: todos os mércores de 18:00 a 19:00 h a partir do 30 de setembro de 2026 na Casa da Cultura de Negreira.



Comentarios

Publicar un comentario

Publicacións populares deste blog

O SNL da Baña e Negreira participa na nova xeira dos grupos de conversa Falarmos...nós!

Imaxe
A rede de grupos de conversa Falarmos...nós! inicia unha nova andaina O Servizo de Normalización Lingüística da Baña e Negreira incorpórase á rede de grupos de conversa Falarmos Nós , unha iniciativa impulsada pola Área de Normalización Lingüística da Deputación da Coruña que ten como obxectivo facilitar espazos de encontro e participación para favorecer o uso do galego no día a día. O pasado fin de semana, o local da Asociación Xiradela, en Arteixo, acolleu a xuntanza previa ao inicio da nova xeira 2026/2027. No encontro participaron representantes da Deputación e as persoas dinamizadoras dos grupos que xa formaban parte da rede na xeira anterior, así como dos novos grupos que se incorporarán ao proxecto a partir deste outono. Os grupos de conversa están dirixidos tanto a persoas que saben falar galego pero non o empregan habitualmente nas súas relacións sociais como a aquelas que se atopan nun proceso de adquisición da competencia oral e contan cunha boa capacidade de comprensión e d...
Read more »

Presentamos a programación infantil do SNL

Imaxe
                                   Nas vindeiras semanas desenvolveranse obradoiros e actividades gratuítas para as familias con pequechos e pequechas de 0 a 6 anos co obxectivo de fomentar os espazos de socialización en lingua galega, así como a aprendizaxe arredor de materiais e recursos lúdico-didácticos para a primeira infancia. Para realizar a inscrición en ambos programas é necesario contactar co servizo previamente comunicando o nome e apelidos das persoas asistentes, a idade da(s) crianza(s) así como un enderezo electrónico e un teléfono de contacto, a través do enderezo electrónico snlabananegreira@gmail.com, dos teléfonos 981 88 65 01 / 981 88 58 86 ou presencialmente nas oficinas do SNL das 8:30 ás 14:30 horas os luns, mércores e venres na Casa do Concello da Baña ou os martes e xoves na Casa da Cultura de Negreira. PROGRAMA APEGO Para esas familias que queredes que a lingua galega for...
Read more »

O Servizo de Normalización Lingüística da Baña e Negreira está de volta

Imaxe
 Benvidos e benvidas de novo ao Servizo de Normalización Lingüística, Dende os concellos da Baña e de Negreira prácenos comunicarvos que coa volta do SNL tamén se dá comezo a diferentes programas co obxectivo de fomentar o aumento do uso da lingua galega e da mellora do seu prestixio a nivel social.  Para contactar co servizo pode chamar aos teléfonos 981 88 65 01 / 981 88 58 86, enviar un correo ao enderezo electrónico snlabananegreira@gmail.com ou visitar as nosas oficinas no horario de 8:30 a 14:30 horas, os luns, mércores e venres na Casa do Concello da Baña ou os martes e xoves na Casa da Cultura de Negreira.
Read more »